Auto elektrikoa: Green Power lehiaketa

Andra Mari LHIko auto elektrikoa prest dago denboraldi berrirako. Aurten hobekuntzak egin ditugu gure autoan, karrozeria aldatu dugu eta telemetria sartu dugu: urrutiko komunikazio-sistema bat, gailu elektroniko batetik bestera informazioa jaso, prozesatu eta transmititzeko aukera ematen duena. Hori posible da tenperatura, presioa, abiadura, denbora eta antzeko magnitudeak neurtzen dituzten sentsoreei esker. Telemetriaren bidez, autoaren sentsoreek magnitudeak hartzen dituzte eta datu guztiak zentroko zerbitzari batera bidaltzen dira. Bertatik, aplikazio baten bidez, datuak edonon ikus daitezke (mugikor batean, adibidez). Horrela, gure autoaren kontrola edonondik ikus dezakegu.